ဤအာမခံ၏ အကြောင်းအရာအချက်အလက်များ

အာမခံထားရှိနိုင်သူများ

အသက် (၆) နှစ်မှ (၇၅) နှစ်အတွင်းရှိ မြန်မာနိုင်ငံသားများနှင့် မြန်မာနိုင်ငံအတွင်း တရားဝင် နေထိုင်လျက်ရှိသော နိုင်ငံခြားသားများသည် ဤအာမခံအား ထားရှိနိုင်ပါသည်။

ရရှိနိုင်သည့်အာမခံချက်များ

ဤပေါ်လစီအရ အာမခံသက်တမ်းကာလအတွင်း အာမခံဝယ်ယူထားသော မည်သူမဆို အောက်ပါဖြစ်ရပ်များ အတွက် အကာအကွယ် ပေးပါသည်။

အခြေခံအကာအကွယ်

• ဆေးရုံတက်ခြင်းနှင့် မတော်တဆမှုကြောင့် ဆေးရုံတက်ခြင်း
• သေဆုံးခြင်း

အကာအကွယ် (၁)

• ခွဲစိတ်ကုသခြင်း
• ကိုယ်ဝန်ပျက်ကျခြင်း

အကာအကွယ် (၂)

• ဆေးရုံ / ဆေးခန်းပြသခြင်း

ဤပေါ်လစီအရ အကျုံးမဝင်သောကိစ္စရပ်များမှာ

• ဆေးကုသမှုခံယူနေခြင်း၊ ဆေးကုသရန်ဆရာဝန်၏ ထောက်ခံချက်ရရှိထားခြင်း၊ ရောဂါလက္ခဏာ ရှိပြီးသား ဖြစ်နေခြင်း
• သားဖွားခြင်း၊ ဗိုက်ခွဲမွေးခြင်း၊ မီးဖွားခြင်းနှင့်ဆိုင်သော ခွဲစိတ်ကုသမှု
• စိတ်ပေါ့သွပ်ခြင်း၊ စိတ်ရောဂါဝေဒနာများကြောင့်ဖြစ်ခြင်း
• ကျန်းမာရေးဆေးစစ်ရန်နှင့် အနားယူအားမွေးရန် ဆေးရုံတက်ခြင်း
• သားသမီးရလိုမှုဖြင့် ဆေးရုံတက်ခြင်းနှင့် ခွဲစိတ်ကုသခြင်း
• မတော်တဆထိခိုက်ခြင်းမှအပဖြစ်သော သွားနှင့်ပတ်သက်သည့်ကုသမှု
• မတော်တဆထိခိုက်ခြင်းမှအပဖြစ်သော မျက်မှန်အပါအဝင် မျက်စိစမ်းသပ်ခြင်း၊ မျက်စိကုသခြင်း
• အလှအပအတွက်ဖြစ်ခြင်း
• နားကြားကိရိယာတပ်ဆင်ရန်အတွက်ဖြစ်ခြင်း
• ကိုယ်ခန္ဓာချို့ယွင်းခြင်း(သို့မဟုတ်) မသန်စွမ်းခြင်း
• မူးယစ်ဆေးဝါးသုံးစွဲခြင်း
• ကိုယ်တိုင်ရာဇဝတ်မှုကျူးလွန်ခြင်း
• HIV/AIDS ဖြစ်ခြင်း
• အကြမ်းဖက်ဖျက်စီးခြင်း၊ အဓိကရုဏ်း၊ စစ်နှင့် စစ်အသွင်ဖြစ်ပွားခြင်း (စစ်ပြုခြင်းများ၊ စစ်ပွဲကဲ့သို့သောတိုက်ခိုက်ခြင်း၊ စစ်တပ် (သို့မဟုတ်) အာဏာသိမ်းခြင်းနှင့် ဖော်ပြပါ အဖြစ်အပျက်တစ်ခုခု၏ တိုက်ရိုက်ဖြစ်စေ သွယ်ဝိုက်၍ဖြစ်စေ မည်သည့် မတော်တဆဖြစ်ပွားခြင်း၊ ဆုံးရှုံးခြင်း၊ ပျက်စီးခြင်း)
• ရောဂါကြောင့် ဆေးရုံတက်သည့်ရက်ပေါင်းသည် ၃ ရက်နှင့် အောက်ဖြစ်သော ဆေးကုသမှုများ
• လိမ်လည်တောင်းခံခြင်း
• မိမိကိုယ်ကိုသတ်သေခြင်း (သို့မဟုတ်) မိမိကိုယ်ကို ဒဏ်ရာအနာတရဖြစ်အောင် ပြုလုပ်ခြင်း

အာမခံဝယ်ယူခွင့်ရှိသူများ

အသက် (၆) နှစ်မှ (၇၅) နှစ်အတွင်းရှိ မြန်မာနိုင်ငံသားများနှင့် မြန်မာနိုင်ငံအတွင်း တရားဝင် နေထိုင်လျက်ရှိသော နိုင်ငံခြားသားများသည် ဤအာမခံအား ဝယ်ယူနိုင်ပါသည်။ (အရွယ်မရောက် သေးသူအတွက် မိဘ (သို့) အုပ်ထိန်းသူမှ အာမခံဝယ်ယူနိုင်ပါသည်။)

ပရီမီယံနှုန်းထား

အခြေခံအကာအကွယ် (၁ ယူနစ်မှ ၂၅ ယူနစ်အထိ ၀ယ်ယူနိုင်ပါသည်)

• တစ်ဦးချင်း- အခြေခံယူနစ် ပရီမီယံနှုန်းထားများမှာ တစ်နှစ်လျှင် အနည်းဆုံး ကျပ် ၁၁,၀၀၀ မှ အများဆုံး ကျပ် ၆၁,၆၀၀

အကာအကွယ် (၁) (၁ ယူနစ်မှ ၂၅ယူနစ်အထိ ဝယ်ယူနိုင်ပါသည်)

• တစ်ဦးချင်း - တစ်နှစ်လျှင် ကျပ် ၁၆,၅၀၀

အကာအကွယ် (၂) (၁ ယူနစ်မှ ၂၅ယူနစ်အထိ ဝယ်ယူနိုင်ပါသည်)

• တစ်ဦးချင်း - တစ်နှစ်လျှင် ကျပ် ၈,၈၀၀ (အသက်အရွယ်နှင့် ပရီမီယံ ပေးသွင်းမှုပေါ် ပုံစံပေါ်မူတည်၍ ပရီမီယံနှုန်းထား ပြောင်းလဲနိုင်ပါသည်။)

အကျိုးခံစားခွင့်များ

အခြေခံအကာအကွယ်

• ရောဂါကုသရန် ဆေးရုံတက်ခြင်းနှင့် မတော်တဆမှုကြောင့် ဆေးရုံတက်ခြင်း - ဆေးရုံစရိတ် တစ်ရက် အခြေခံ ၁ ယူနစ်အတွက် ကျပ် ၁၀,၀၀၀ (ရက်ပေါင်း ၆၀ အထိ ခံစားခွင့် ရှိသည်။)
• သေဆုံးခြင်း - အခြေခံ တစ်ယူနစ်အတွက် ကျပ် ၁၀ သိန်း

အကာအကွယ် (၁)

• ခွဲစိတ်ကုသခြင်း - ၁ ယူနစ်အတွက် ကျပ် ၅ သိန်း
• ကိုယ်ဝန်ပျက်ကျခြင်း - ကျပ် ၃ သိန်းတွင် တစ်ကြိမ်သာ ခံစားခွင့်ရှိသည်။ (အမှန်တကယ် ကုန်ကျစရိတ်အား အနည်းဆုံး ကျပ် ၅ သိန်းမှ အများဆုံး ငွေပမာဏမှာ ဝယ်ယူသည့် ယူနစ်ပေါ် မူတည်၍ ခံစားခွင့် ရှိသည်။)

အကာအကွယ် (၂)

ဆေးရုံ/ ဆေးခန်းပြသခြင်း - ဆေးရုံ/ ဆေးခန်း တစ်ကြိမ်ပြလျှင် တစ်ယူနစ်အတွက် အနည်းဆုံး ကျပ် ၂၅၀၀ မှ အများဆုံး ပမာဏမှာ တစ်ယူနစ်လျှင် ကျပ် ၁၀,၀၀၀ ဖြင့် ဝယ်ယူသည့် ယူနစ်အပေါ် မူတည်၍ ခံစားခွင့် ရှိသည်။

ပြင်ဆင်မှုများ

အာမခံထားရှိစဉ် အကြောင်းအရာများနှင့် ပတ်သက်သော အပြောင်းအလဲတစ်ရပ်ရပ် ဖြစ်ပေါ်ခဲ့ပါက ကျွန်ုပ်တို့၏ KBZ LIFE ရုံး (သို့) KBZ LIFE ကိုယ်စားလှယ်သို့ ပြင်ဆင်မှုများ ပြုလုပ်နိုင်ပါရန် အကြောင်းကြားရပါမည်။ ဥပမာအားဖြင့် -

• • အကျိုးခံစားခွင့်လွှဲပြောင်းပေးထားသူ ပြောင်းလဲခြင်း
• • အခြားအချက်အလက်များပြောင်းလဲခြင်း (နေရပ်လိပ်စာ၊ ဖုန်းနံပါတ်၊ အီးမေးလ် စသည်ဖြင့်)

မည်သို့အာမခံထားရှိရမည်နည်း။

ဤကျန်းမာရေးအာမခံထားလိုလျှင် KBZ Life ဝန်ထမ်း (သို့မဟုတ်) KBZ LIFE အာမခံ ကိုယ်စားလှယ် များနှင့် ဆက်သွယ်၍ဖြစ်စေ၊ အွန်လိုင်းစနစ်ဖြင့်ဖြစ်စေ လျှောက်ထားနိုင်ပြီး လျှောက်ထားရာတွင် အောက်ပါ လုပ်ငန်းစဉ်များကို ဆောင်ရွက်ရန်လိုအပ်ပါသည်။

• (၁) အဆိုပြုလွှာဖြည့်စွက်ခြင်း
• (၂) အာမခံထားသူ၏ သက်ဆိုင်ရာ စာရွက်စာတမ်းများစစ်ဆေးခြင်း
• (၃) ဆေးစစ်ချက် အထောက်အထားများစစ်ဆေးခြင်း
• (၄) ပရီမီယံကြေးပေးဆောင်ခြင်း
• (၅) အဆိုပြုလွှာကိုလက်ခံသည့်အနေဖြင့် အကာအကွယ်ပြုလွှာ (လက်ခံလွှာ) /ပေါ်လစီစာချုပ် ထုတ်ပေးခြင်း

အကယ်၍ အာမခံထားရန်အတွက် လိုက်လံဆောင်ရွက်ပေးရန် လိုအပ်ခဲ့ပါလျှင် ကျွန်ပ်တို့ KBZ Life နှင့် ကိုယ်စားလှယ်များက ဝန်ဆောင်မှုပေးရန် အသင့်ရှိပါသည်။ KBZ Life နှင့် မည်သည့် ကိုယ်စားလှယ်ကို မဆိုဆက်သွယ်ဆောင်ရွက်နိုင်ပါသည်။ ကိုယ်စားလှယ်မှ အာမခံထားခြင်းပြီးဆုံးသည်အထိ လိုက်လံဆောင်ရွက်ပေးမည်ဖြစ်ပါသည်။

မည်သို့လျော်ကြေးတောင်းခံရမည်နည်း။

အကယ်၍ မမျှော်လင့်သော ဘေးအန္တရာယ်ကြုံတွေ့ခြင်းကြောင့် ဖြစ်ပေါ်လာသည့် ငွေကြေး အကာ အကွယ် စိုးရိမ်ပူပန်မှုများကို ကျွန်ုပ်ထံ လွှဲပြောင်းပေးပို့လိုက်ပါ။

• • အာမခံစာချုပ်မူရင်း၊
• • လျော်ကြေးတောင်းခံလွှာ၊
• • ဆရာဝန်၏ ထောက်ခံချက်၊
• • ကုသစရိတ်ပေးချေခဲ့သည့် ငွေရပြေစာ များ၊
• • ဆရာဝန်၏ ထောက်ခံချက်၊
• • ဆေကုသမှုမှတ်တမ်းနှင့် အကယ်၍ သေဆုံးမှုလျော်ကြေးတောင်းခံပါက သေစာရင်း

KBZ LIFE ကလျော်ကြေးတောင်းခံရာတွင် အလျင်အမြန်ပေးလျော်နိုင်ရန်အတွက် အကူအညီများအား ထောက်ပံ့ ပေးသွားမည် ဖြစ်ပါသည်။